足球術語大雜滙

粥粉麵飯

可以好肯定咁講句, 全世界咁多語言, 講波可以講得最精彩, 最抵死傳神, 非廣東話莫屬.

高章- 同打麻雀一樣, 指技術高超
叉燒- 因為好易吃, chance波
掛網- 入球掛網而入
破網- 入球速度勁, 爭啲連網都穿埋咁滯
食糊- 入球
疴蛋- 守門員接波甩手, 并從胯下將嗰波漏入網
磨薑- 喺石地場射波時隻腳趾俾地下刮親
偷鷄- 越位 Offside
插花- 球員控球用腳左穿右插, 扭過對方避開攔截.
花王- 經常表演插花o既球員
拉西- 用腳力將嗰波旋轉
斬波- 大腳傳球
燙波- 用腳內側踢波
篤波- 用腳尖輕踢
躂Q- (漏油) 用力抽射/交波/斬波時腳不應球, 使嗰波唔受力
拗柴- 足踝扭傷
插水- 扮嘢, 指球員跌倒搏罰球
鐵衛- 強力後防
財星- 指表現差o既球員令己方失球, 而使下注對方波盤可以贏錢.
宴客- 12碼決勝負唔入
上身- 球員演出超水準
笠死- Lob之聲譯, 解嗰波成抛物綫越過守門員頭頂
單刀- 前鋒擺脫晒對方防守球員喺禁區度只對住一個守門員
吹鷄- 球證吹哨
黑哨- 球證執法令人質疑
掛靴- 結束職業球員生涯
撞牆- One-Two pass
窩利- Volley(淩空)
腳頭- 球員射門之力度
閂倒- 射門俾防守球員擋出
曲墜- 形容嗰波帶有下旋, 抛物綫比一般射門短
較炮- 負責組織攻勢以致命傳送為隊友制造入球機會, 多指進攻中場
曬靴- 瞓身鏟對方, 猶如曬對靴俾人睇
食塵- 追唔到對方前鋒自己落後面, 只有食塵
浪射- 亂咁射門, 應傳唔傳走去射門
抽水- 在球證視綫盲點位暗算對方球員
老烏- 烏龍球
符碌- Fluke(英式桌球), 僥倖咁入波

[ 本帖最后由 粥粉麵飯 于 20-8-2008 06:33 PM 编辑 ]

粥粉麵飯

世界波- 超靚入球, 世界級技術
收山腳- 顧名思義, 一腳收你皮
七旋斬- 急勁傳中球
香蕉球- 射門去勢彎向龍門 (Curling)
炒芥藍- 兩隻腳炒埋一齊, 即係撞埋一齊
開汽水- 球迷噓聲四起
醫院波- 傳球唔到, 令對方有機可乘從後鏟波令隊友好大機會受傷
魚生粥- (僅熟) 即係險勝
賣老抽- 抽筋
濕手巾- 起勢咁扭波
娥媚月- 禁區對出半月形位置
牛油手- 龍門跣手, 成日都接唔穏嗰波
暖水壺- 一種戰術, ''暖水壺係咁滾'', 不斷放高波吊入對方禁區
手榴彈- 大力將嗰波掟入禁區
彈琵琶- 龍門攬唔實嗰波令嗰波片咗去左右兩邊
執死鷄- 入球補中. 首次試射未能入球, 其他反應好o既球員有機會入球
通坑渠- 帶波時將嗰波穿過對方球員兩腳之間
炒飛機- 射門高出目標
割草式- 指射球和地面貼近, 猶如割草
單蹄馬- 只係識用左腳或者右腳o既球員
雙槍將- 左右兩腳都咁勁
窿對窿- 0比0
食炸糊- 入咗當冇入
風流波- 因為目標已達, 好任意咁踢唔再進攻
送大禮- 己方失誤令對方入球
擺老烏- 擺烏龍
太公波- 為國家隊效力
黃大仙- 有(球)必應
炒波底- 射門時唔應波踢起波底, 通常結果都係炒飛機
撑龍舟- 用頭將嗰波頂去後面
食波餅- 俾去勢凌厲o既波擊中, 通常指臉部
公公腳- 撩陰腿, 一腳令你變太監
長命賽- 聯賽, 因一季聯賽所有隊伍主客互賽, 賽事甚多
九零一- 戰術一種, 九名球員於後場防守, 只得一名球員作反擊之用
叠瓦式- 進攻模式之一, 後上球員於帶波球員身邊快速走上, 拉開對方防綫
發電機- 成隊波轉守為攻時的重心球員
對面海- 同“射波射咗去天后廟“一樣, 射門無準, 遠而不正
起雙飛- 雙腳鏟球, 危險動作
入球荒- 前鋒球員長期冇波入
玻璃腳- 容易受傷的球員
打仔格- 攔截時毫不留情的工兵型球員
爛仔波- 打法粗魯
三文治- 兩個後衛夾住一個對球員
豆腐籠- 不堪一擊o既龍門
坐冷板- 後備席不獲正選
彈弓旗- 指旁證舉起旗又放返低
柱躉式- 後衛球員身材高大, 頭搥了得
反人牆- 對方排人牆時, 擺個自方球員喺對人牆之內, 作干擾之用
濕滯波- 踢到不知所謂
唔生銹- 唔生性
二仔底- 一味死跟
送波鐘- 睇住嗰波碌走又追唔到
萬金油- 可以踢任何位置o既球員
海鮮波- 指球員表現飄忽, 好似海鮮價一樣
檸檬頭- 成日頂高嗰波
打毽腳- 用踢毽的方法傳球
踩波車- 躂Q跣低
派利是- 球證俾紅牌
放飛劍- 吐口水
食鷄翼- 有爭拗
神經刀- 龍門輕出, 經常失位
私家Q- 用唔善長的腳踢出一個好波
打荷包- 從後偷波
老波骨- 經驗豐富的球員
大四喜- 一場波入四球

战神蚩尤

本地人未必懂
香港那边比较流行的
谢谢分享

粥粉麵飯

猛虎射球- 源自足球小將, 日向小次郎絕招.
衝力射球- 都係足球小將, 大空翼絕招. (都係指速度同力度強勁o既射門)
底綫傳中- 左右翼鋒將嗰波帶到對方底再大腳傳中望前鋒頂入
穏守突擊- 睇下意大利隊波就知
雙翼齊飛- 左右中場輪流出擊
雙翼齊跛- 左右中場出唔到擊
三角短傳- 三個球員組織三角形走位互傳, 高效率傳球方式
交叉走位- 進攻技術之一, 同叠瓦式差唔多
空中二傳- 將嗰高波用頭或者用腳好巧妙咁即時傳俾隊友
十上十落- 全能足球, 成隊波都可以全面攻擊或者防守
血肉長城- 人牆
擦鞋仔波- 好努力咁走勻全場希望掂到嗰波但毫無建樹, 討經埋人歡心
紅牌阿姑- 食咗紅牌o既球員
若火尤物- 指脾氣暴燥球員, 容易同對方球員發生衝突
白頭嚤囉- 球員頭部受傷, 包紥到好似印巴藉咁上陣
通天老官- 任何位置都得o既球員(萬金油)
高Q大棍- 以本身球員身材高大為優勢發揮戰術
球場黑洞- 接波球員應變其差, 隊友傳球有去冇回, 好似宇宙黑洞咁.
四鬼拍門- 出動四个前鋒搏混亂入球之戰術
星期美點- 指球隊每次出戰都有唔同陣容 好似餐廳每個星期推出唔同美味點心咁
慢流尾袋- 門將失位o既情況下只好眼光光咁睇住俾人入球. (望門興嘆)
雙龍出海- 門將用隻拳將來球打出
豆腐防綫- 不堪一擊o既後防
計時炸彈- 時不時都會連累球隊輸波o既球員
梅開二度 連中三元 四喜臨門- 唔洗解釋嘞啩?!

球迷奇遇記- 當眾人以為大勢已去但出現估到o既賽果
火星撞地球- 兩個球員猛力相撞
雙腳黐膠水- 形容球員疲態畢露, 走唔郁
海軍鬥水兵- 阿水對阿水
臨天光瀨尿- 差唔多完場先失球而導致輸波
紅褲仔出身- 領隊執教前曾經係足球員
史高斯攔截- 攔截時出錯, 踢中人踢唔中波, Scholes常犯

老竇帶仔出街- 大勢(細)已去, 無法翻身

[ 本帖最后由 粥粉麵飯 于 20-8-2008 06:40 PM 编辑 ]