影相影到怕！令人最讨厌既3个拍照行为

mamatan0505

最近睇旅游节目，留意到经常自拍或影相既行为有时真系几难顶！虽然要留低倩影真系无可厚非，但如果系又影，唔系又影，去到麻烦到人既地步又真系几乞人憎〜以下3个就系身边人既真实心声，各位要注意喇！

1. 每一道菜都要狂影

小编都好明白作为爱吃之人，系会好想记录低自己食过d乜，但下下要人地等你影完先食，仲要影超多张，真系蚊都瞓！如果对方唔系同道中人，又或者一大班人食野，都系忍下手，就算系都快手d影一两张就好停！





2. 突然系路中心影相

有时见到靓既位置，真系会好想停低影相，但如果位置太引人注目，又或者唔方便，叫人点帮你揸机？就算系自拍，确实会令身边人几尴尬。





3. 明知唔应该影仲影

即系点？例如唔比影相既地方、走上唔安全既位置等，早前一听到零度就唔顾安全上山影雪就系经典例子，真系又麻烦又讨厌！另外，当其他人已经唔耐烦、或者人地素颜等唔想合照既时候，依然死要影同集邮，真系可怕到令人发指！



虽然依家影相同分享都越黎越方便，但绝对要适可而止，太多大过份，就会令人好讨厌！


       


http://www.beautyexchange.com.hk/lifestyle/171994