沈震軒自爆有心上人

alancari

粉絲幻想破滅了！型男沈震軒原來已有目標對象！自詡事業狂人的他竟已有兩年沒想感情事！努力於事業上衝刺的他繼前年初試啼聲後，日前更推出首張個人唱片，令他大為振奮。

沈震軒（Sammy）近年在電影《喜愛夜蒲2》演「蘭桂坊USB」及在無綫劇《使徒行者》演Kobe備受注目，演員形象深入民心，不過原來他初入行時本以做歌手為目標：「入行嗰時冇做過戲嘅，淨係識唱卡拉OK，咁就想以音樂去接觸呢樣嘢，但係當時唱得實在太差啦，就輾轉入咗無綫藝員訓練班。2013年有我第一隻歌，其實當時已經好開心！今個月出我嘅第一張個人專輯，對於一個歌手嚟講有一隻Hard Copy嘅碟係好開心嘅。」至於會否角逐今年的新人獎，他表示待公司安排：「最緊要做好一件事，獎呢啲嘢適當嘅時候就會有。」

大展攻勢
在新歌MV中冧爆唱情歌的Sammy，自爆感情方面努力中：「努力緊！本身我係幾事業狂人！前兩年完全冇諗過愛情方面嘅嘢，想擺多啲時間喺事業上面衝！我身邊一啲朋友，同我個年代欣賞嘅Artist都開始成家立室。」又坦言已有對象：「希望一步一步嚟。都係嗰句啦！莫道你在選擇人，人亦能選擇你吖嘛！」不過他不願透露對方是否圈內人，只笑言是女性。

死神只峰

近年開始紅了

郭富城的仇人

胡须仔都会红吗？他以为自己留胡须有少少像林丹，就一定会红？他与林丹的名气还差很远！