唔怕生壞命 最怕改錯名

粥粉麵飯

1.
吳潔芬
吾......新時代女性, 一於同居就算!

2.
有次喺商場, 有個男人唔見咗個仔, 於是就搵security幫手喺商場廣播, 話佢老豆喺商場門口等佢.
廣播內容如下: 徐家權小朋友, 你爸爸徐定富喺門口等你..........

3.
兩父子, 阿爸叫李杰, 個仔叫李仲杰.

4.
上次去台灣某銀行唱台幣... 睇一睇櫃面個名牌.......
個服務員叫"吳曉郁"......一行六人冇個忍到笑.

5.
知唔知個「費」字做姓氏嗰陣讀「秘」音 ga...
差人：差人查身分證.... 叫咩名.....
路人：費密 ( 秘密)
差人：差人做嘢呀..... 咪玩啦.....
費密：都話費密 (秘密) 咯......
差人：仲玩？！阻差辦公呀..... 拎身分證嚟！
費密乖乖俾身分證差人.....
差人：哦.... 原來係費密 (廢物) .....
費密：唔係呢 ... 係費密 (秘密)....
差人：費密 (廢物) 就費密 (廢物) 啦.... 秘乜鬼密吖..... 神神秘秘咁..... 係就係核突 !
費密： ........

6.
A: 你叫咩名呀?
B: 鐘定英(中定英?)
A: 中文啦~~
B: 鐘定英呀~~~~
A: 咁英文啦~~~~
B: Chong Ting Ying !
A: .........................

panda0822

哈哈哈哈哈。。。。。徐定福！！！！他爸爸那么“激”哦！！！

粥粉麵飯

定富, 定富.......
一定富貴吖嘛~