結伴泰國旅行 – 少女撞鬼喪命 (絕對真實個案！！)

paranormalman

大妹同細妹求老豆（Ａ叔叔）俾佢地去泰國旅行，係佢地苦苦哀求之下， Ａ叔叔唯有俾佢哋去啦。 冇計啦， 鬼叫自己咁錫果兩個女咩。 不過我深信， 如果有得俾Ａ叔叔簡多次， 佢一定…絕對…唔會俾佢哋去。

請到以下網址查看全片.....
http://www.kumanthong.net/ghost-stories/結伴泰國旅行-少女撞鬼喪命/    或則
http://www.kumanthong.net/?p=423

catcc0531

有一日我同老豆講開D靈異嘢， 佢就將以下呢個鬼估話我知。
等我講下故事嘅人物先：
C叔叔 – 資深導遊
A叔叔 – 資深導遊
大妹 – A叔叔大女
細妹 – A叔叔細女
我係馬來西亞華僑。 我爸爸係一個資深導遊。 大家都知導遊預見靈異事件就哽係多啦， 但係今次我暫且唔講導遊鬼估住， 我先講一個我爸爸老友A叔叔同C叔叔嘅故事先。 我爸爸， A叔叔， 同C叔叔其實係認識咗幾廿年嘅老朋友兼同行。 好多係馬來西亞老一輩嘅導遊係後生果鎮都係泰國果邊做過導遊嘎， 換言之老一輩嘅導遊都識講泰文。

C叔叔係由細睇到我大[wp-lіkе-locker]， 個人好隨和， 除此之外C叔叔都冇俾過我一D特別嘅印象。 不過我就未見過A叔叔， 當老豆講個故事我聼果鎮我先知有A叔叔呢個人嘅存在。 呢個故事係發生係幾年前。 A叔果兩個女好好感情， 成對孖公仔咁， 人又靚， 又乖， 又孝順， 又後生， 當年19~20嵗仲係學生嘅佢哋讀書成績又好好， 又多人追， 真係好多令人羡慕。 我爸爸形容到好似古代果D三步不出閨門果0亭添。 當年佢哋從來都冇出過國旅行， 最多都係去下云頂（相信靈異愛好者都一定對呢個地方好熟悉）同埋幾個本地嘅旅遊熱點行下， 所以都未曾出過遠門。

果年佢哋啱啱入咗大學冇幾耐就開始咗佢哋係校園另一般嘅生活。 大家都知道啦大學嘅生活哽係俾起中學時期嘅生活好玩好多啦。 佢哋係大學到認識咗好多朋友， 於是自己嘅生活圈子都漸漸地擴張。 佢哋係一D較爲文靜果種女仔， 但係當佢哋認識朋友多咗之後， 朋友就有震時會講下同父母或則男女朋友出國旅行嘅嘢果鎮， 其實佢哋都好想出去玩下。 後生仔女就哽係想出去玩下啦， 都好正常不過。

有一日兩姐妹咁啱一齊考完試放假而且仲放成幾個月添。 大妹（家姐）就係度諗“放咁耐假， 好悶啫！而且我又未自己出過國旅行， 但係我一個人去老豆一定唔俾嘎啦。 唔唔唔…… 不過如果叫埋細妹（大妹個妹）都可能有機會啵？” 所以大妹就走去問細妹睇下佢想唔想出國旅行。 其實大妹呢鋪已經去意已決， 如果細妹唔想去， 佢都會諗D計仔氹掂細妹無求令佢ѕау yes。 當大妹開口問細妹果鎮細妹就突然打斷佢話“家姐！原來你都想去啊？？不過我有驚你唔想去， 咁老豆就一定唔會俾我自己一個人去嘎～！”。 點知原來細妹都係咁諗。 好啦， 大妹聽就哽係好開心啦。 兩個就一齊去問老豆睇下老豆果關過唔過到。 開頭Ａ叔叔都唔係好想俾佢哋去， 因爲始終兩個女仔都未曾出過遠門， 有咩事上嚟咁點算呀？為人父母個個都係擔心同關心Ｄ仔女嘎啦。 不過幾日嚟係大妹同細妹嘅苦苦哀求之下， Ａ叔叔終于開口問“點呀你哋， 究竟想去邊呀？？！！”， 唔使講， 老豆哽係投降啦。 兩姐妹聽到老豆咁問就知道老豆終于投降喇。 大妹就好開心咁話“我哋要去泰國！！！”。 Ａ叔叔唯有俾佢哋去啦。 冇計啦， 鬼叫自己咁錫果兩個女咩。 不過我深信， 如果有得俾Ａ叔叔簡多次， 佢一定…絕對…唔會俾佢哋去。

大概一個禮拜之後兩姐妹執曬行李準備好兩個人去泰國玩。 呢兩姐妹其實好慳錢， 食嘅同住嘅都盡量慳Ｄ， 想話留返Ｄ錢嚟去其它地方玩。 所以食就食一Ｄ街邊檔攤（其實果Ｄ先至最地道最好食）， 住就住一Ｄ好平嘅酒店。 第一日落機到曼谷再搭成個鐘頭的士就到達咗曼谷市中心嘅一閒酒店（老豆目前唔係身邊所以問唔到閒酒店名， 遲Ｄ補返）， 當時已經係傍晚６點鈡。 兩姐妹就去check-іn攞鎖匙上房。 細佬女即係細佬女， 好多禁忌都唔識。 佢哋攞坐鎖匙之後就上房， 仲唔敲門就入去。 其實係馬來西亞， 如果唔係一Ｄ對靈異比較關注或則受英語教育長大嘅人（完全唔識講中文， 冇乜中國人傳統）係唔會識呢D野嘎， 更何況係細佬女吖， 所以都唔怪得佢哋。 佢哋一入到房就擺底曬D行李之後二話不説就出咗去祭下五臟廟。 事關食完飯都成８點鐘， 行下夜市之後都成10點鐘。 而且兩姐妹都唔鐘意夜生活同飲酒。 所以行完夜市之後就返酒店休息。

有冇諗過其實有一只跟咗你返去？
閒房一開門， 左邊係廁所， 再入Ｄ係張梳妝臺， 張臺前面就係兩張單人床。 我諗大部分酒店房都係差唔多啦。 返到酒店房大妹就將Ｄ衫褲褂攞曬出挂起佢， 而細妹就攤咗係張床到禁遙控睇電視。 “郭！郭！郭！”， 原來有人敲門。 大妹就擺低Ｄ衫褲去開門， 點知一開門……冇人？大妹就以爲自己聼錯， 就閂埋門繼續挂起Ｄ衫。 隔咗幾分鐘， “郭！郭！郭！”， 又嚟？？？大妹就行去門由防盜眼度望出去但係見唔到有人， 一開門， 走廊空空如也。 大妹唯有返入房啦， 細妹就問“邊個敲門啊？”， “唔知呀， 唔見有人呀”。 細妹都不以爲意咁繼續睇電視。 又隔咗幾分鈡， 敲門聲又再次響起“郭！郭！郭！”。 呢次大妹望住個門定咗一定， 對手揸住Ｄ衫褲定左。 呢次細妹就行去開門， 同之前一樣成條走廊都冇人。 細妹為由閂埋門。 “郭！郭！郭！”， 門聲再次響起。 細妹靜心聼下Ｄ聲音， 原來Ｄ聲音唔係由房門外傳入嚟， 而係由廁所傳出嚟！奇怪喇！廁所裏面點會傳出敲門聲？大妹同細妹到酒店同食完晚飯返嚟都未去過廁所， 而廁所門一直都係閂埋。 細妹將耳仔貼住個廁所門精心聼下， 但係都冇聲音， 細妹就唔知點解用手“郭！郭！郭！”敲左個廁所門３下。 突然閒， 裏面又傳出“郭！郭！郭！”３下敲門聲。 唔知細妹係大膽定係唔識死， 呢次細妹唔係“郭！郭！郭！”咁敲， 而係好大力咁“PANG! PANG! PANG!”拍咗度廁所門３下。 裏面又傳出“郭！郭！郭！”３下敲門聲！細妹就一手打開個廁所門， 但係入面咩都冇。 之後細妹就同細妹話“可能係隔嚟房嘅敲門聲。 ”其實細妹講得幾啱， Ｄ平酒店好多時候都係咁， Ｄ牆好薄， 所以聼到隔嚟房Ｄ聲音一Ｄ都唔出奇嘎。 之後落嚟幾日都冇特別野發生， 然後就結束行程返咗大馬。 雖然講到呢度都冇乜恐怖， 但係下一頁所講嘅我覺得都幾驚嚇囖。

catcc0531

返到屋企之後果幾日， 細妹就病咗， 又屙又嘔又發燒。 睇醫生食葯都唔好， 總之就病到五顔六色啦。 Ａ叔叔話可能係係泰國食咗Ｄ熱氣嘢啦所以先搞成咁。 大妹同細妹返嚟冇幾耐,有一日， Ｃ叔叔（終于出場）去Ａ叔叔屋企探佢。 我爸爸， Ｃ叔叔同Ａ叔叔都認識咗幾廿年而且又係同行， 所以大家耐唔耐就會去探下大家吹下水咁啦。 Ｃ叔叔係門口， Ａ叔叔老婆開門俾Ｃ叔叔入嚟。 當時細妹係另外一個聼坐咗係度。 個樣好唔掂。

Ａ師奶：“嘩啊Ｃ， 咁耐唔見你嚟嘅？”。

Ｃ叔叔：“係呀， 最近係吉隆坡度帶團呀， 好少返嚟呀。 ”。

Ａ叔叔係聼度睇緊報紙：“喂， 點呀…”。 （當時細妹係另外一個聼坐咗係度。 個樣好唔掂。 ）
Ｃ叔叔：“冇呀， 我尋日先由吉隆坡返黎， 今日就嚟搵你喇。 ”

Ａ叔叔：“哦， 想飲Ｄ咩呀？”

Ｃ叔叔想答佢“隨便得喇”之際， 眼尾掃過坐係另外一個聼嘅細妹， 就即刻問Ａ叔叔…….

Ｃ叔叔：“細妹去過邊嚟啊？！？！”

Ａ叔叔：“佢前上個禮拜同大妹去咗曼谷啊， 一返嚟就一直病到伊家都唔好。 一定係食埋曬D熱氣嘢食啦！咩事呀？”

Ｃ叔叔面色一沉…… 跟住就起身行咗去細妹身邊， 望住細妹。 Ａ叔叔就望住Ｃ叔叔行去細妹身邊， 係度唸“究竟發生咩事呀？！”。 Ｃ叔叔企係細妹身邊留意住佢眼神。

突然閒， Ｃ叔叔一手就抓住咗細妹只手！就用泰文（上面講過Ｃ叔叔後生果鎮去過泰國做導遊， 所以識講泰文）好大聲講：“krai wa?!?! kamaihai peng har?!?!（意思：你係邊個？！？！點解你要搞佢？！？！）”。

細妹呢個時候真係好唔妥。 Ａ師奶聼到Ｃ叔叔大嗌就係廚房度走咗出嚟睇下發生咩事。 Ａ叔叔同Ａ師奶一齊行咗過 去細妹身邊。 細妹呢個時候就用一種好兇惡嘅眼神望住Ｃ叔叔！就話“ork pai! mai chai reung khun!!!” (意思：唔關你事！行開！唔好理我！)。 呢鋪含撚…… 細妹盡然用泰文講嘢？！細妹由細到大都未出過國， 而且仲係第一次去泰國， 冇理由識講泰文嘎！而且最恐怖係……細妹係用一把男聲講泰文！好明顯細妹已經俾一只男性靈体上咗身。

呢個時候Ｃ叔叔就話：“佢有咩得罪你， 你要搞佢呀？！”。

細妹依然用一把男人聲話：“放手呀！行開呀！”

Ｃ叔叔火都嚟埋， 跟住抓實細妹只手就開始念一D聼唔明嘅咒語！：“!@#$%^&*!@#$%^&*”。 當Ｃ叔叔一開始念咒， 就即刻對個靈体殘生作用， 細妹就開始係度大叫：“啊啊啊啊！！！”。 個身仲不停係度震同典嚟典去！眼見細妹想起身走之制， Ａ叔叔就飛身撲過去， 因爲Ａ叔叔都識泰文， 所以知道之前D對話， 而且都好清楚知道….自己嘅乖女俾鬼上身呢個事實。

Ｃ叔叔念咒念咗一陣之後就停咗再問：“做乜要搞佢呀？！”

細妹依然用一把男人聲話：“鬼叫佢係酒店房度同我玩呀？！佢要玩啊嘛？我咪同佢玩囖！）”（上面講過， 細妹唔知點解同個靈体玩敲門）

其實到咗呢個地步都唔理佢講乜都好， 最緊要係要佢離開細妹身體先至最重要。

Ｃ叔叔：“咁你想點呀？洗唔洗返去泰國幫你做返D咁呀？！”

細妹突然變得好聲好氣好多話：“唔洗， 你去附近附近果閒印度廟幫我拜下得啦”。

事關最近呢度係一閒印度廟。 Ｃ叔叔為有應誠佢啦。 隔咗一陣， 細妹就慢慢平復返， A叔叔都松開手， A師奶就企係一邊眼濕濕。 大家一句説話都冇講。 隔多鎮， Ｃ叔叔就去附近一閒印度廟度幫佢做咗D嘢， 至於係D咩就唔知喇。

當大家聽到呢度， 我諗大家都終于松口氣， 而Ａ叔叔同Ａ師奶都慢慢開始放心D。 但係… 好不幸地， 幾日之後細妹好突然地過咗身。 點解細妹會突然過身？係個靈体唔守信用？定係細妹真係病的好重？呢D就俾大家慢慢諗喇。

後記：

之前我都唔知原來由細睇到我大嘅Ｃ叔叔係識法之人。 我都係聼完老豆講完呢個故事之後先知道原來C叔叔係後生果鎮曾經上山學過法， 好似係矛山之類。 而且佢都算係一個奇人， 事關佢有時候行行下街佢都會俾九皇爺（係馬來西亞同泰國好出名嘅神明）上身。
之後聼講話Ａ叔叔一家人都傷心咗好長時間先可以平復返。
無論點解細妹會死都好， 始終都唔好信鬼講嘢最好。

绿草仙子

廣東話的，看得很辛苦。

siowleng83

对啊。。 看到我有点头晕脑胀。。

siowleng83

不过谢谢楼主分享啦。。。

hellen.tan

留个脚印先

ParkYura

马来西亚。。。华侨？？
我们应该是华人不是华侨啦

pwkelvin

汗，在9电台听到有人讲这个故事，拿人家的故事当自己的故事

diing_os

看不太懂，广东话差

paranormalman

回复 9# pwkelvin


   本人可以肯定這個故事是出自于本人之手，本人也曾經擔任某個三藩市網台靈異節目嘉賓時說過這個故事，也曾經在2011 - 12 - 24 平安夜打過去98X電台靈異節目講過該故事。可能你聼到的是我做節目或則打去的時候說的。不過也或許有人聼了這個故事而再打去其它電台（不懂會不會有其它電台有人打去說過這個故事）說出來。不過怎麽都好，我是可以肯定這個是本人親手所寫的一個真人真事故事。多謝。

LonelyCoffee

谢谢分享。

振杰

很确定LZ 是华侨。。。。
完全不会使用中文 =.=

pwkelvin

本帖最后由 paranormalman 于 28-12-2011 05:47 PM 编辑

回复 [url=http://cforum6.cari.com.my/redirec ...
paranormalman 发表于 28-12-2011 09:21 AM

楼主请不要误会，小弟说那个拿人家故事当自己故事讲的是人家，不是你。我听到他在电台讲的是在10/12，那是楼主的贴就已经出现了，所以我才酱讲罢了，楼主千万不要误会，绝对相信你的是原创。


(posted by mobile)

paranormalman

回复 14# pwkelvin


   沒事沒事！是我不好誤會了你，抱歉！ 他也是幫我從我的網站裏貼出來方便大家查看而已，別怪他。
不好意思，我應該搞錯了，我平安夜打去說的是一個關於泰國降頭的個案不是這個。這個應該是我在平安夜前一兩個星期打去的時候說的(應該是17號吧不是10號吧？)。如果這個星期六打得通的話我會再打去說說其它的。你也是靈異愛好者嗎？

pwkelvin

本帖最后由 paranormalman 于 30-12-2011 02:54 PM 编辑

回复 [url=http://cforum1.cari.com.my/redirec ...
paranormalman 发表于 30-12-2011 06:50 AM

哈哈，没事，不要放在心上:-)
是咯，我也是灵异爱好者，只是我都只会看人家分享，自己没有原创的料，再加上没有爱好到够胆去探灵的那种，哈哈。


(posted by mobile)

mikano

旅行时还是要遵守一些禁忌好点，小心驶得万年船~~~

boon_

泰国现在很多水鬼吧！！

徐锦江

我也在电台听到，原来就是你！
哈哈

paranormalman

回复 19# 徐锦江


   是呀，我存多一點故事再打去。