一啲廣東俗語

粥粉麵飯

放飛機
何以放飛機呢? 話說舊香港, 有一日, 就要表演飛機飛行.
香港有史以來第一次有飛機睇! 仲要係水上飛機o添! 全香港萬眾期待: 有人放飛機睇啊! 第一日到來, 因為打風, 冇嘢睇, 眾人失望而回; 第二日, 天朗氣清, 各人以為有得睇, 點知嗰飛機師病咗, 要推到第三日. 而到咗第三日, 到部機嗰引擎出事, 整唔好. 跟住就byebye喇!
所以以後嗰人就用放飛機嚟形容啲講咗又甩底o既人嘞~

混吉
原來因為以前啲小型飯店, 只要你去幫襯就會免費奉送一碗清湯. 飯店每日所售鷄鴨鵝豬年肉, 都用嘢一鍋水整熟o既, 所以湯入邊有肉味, 然後落一堆味精, 就係一碗清湯嘞. 因為係清湯, 所以入邊乜料都冇, 空空如也, 香港人覺得"空"等於"凶", 所以就改為"吉", 所以碗湯就叫做"吉水".
當時有好多窮人, 入到飯店一坐低伙記就攞一碗吉水, 啲窮一啖飲晒, 靜鷄鷄走咗去, 因為哩啘湯係免費, 所以飯店唔可以拉人, 咁啲伙記就叫哩種混騙行為做"混吉".

大耳窿
香港開埠初期,洋人印度人大集會, 而放貴利o既多數係白頭嚤囉, 哩啲嚤囉差戴白頭巾, 所以人人都叫佢哋做白頭嚤囉. 佢哋扮相古怪, 鍾意戴啲大如銅元o既耳環, 所以耳朶要穿嗰耳窿. 港人覺得可憎就稱佢哋為大耳窿. 不過仲有一種講法, 當時放貴利, 都係放喺細數三幾角銀錢俾啲勞苦大眾, 為使啲人知道佢哋有錢借, 就將一個銀仔塞喺耳仔嗰窿度作為記號.

一蚊鷄
其實係同塘西風月扯上關係o既. 當時去塘西召妓, 初步手續先冩一張"花紙", 冩好之後就交由酒樓雜役帶去妓院, 嗰啲阿妓接到花紙就會應召"出局". 每局票收一元, 而反省港人仕向稱妓女為"鷄", 既然一元召得一鷄, 後來就索性叫一元做一蚊鷄.
(順便一提, 港人叫錢做"蚊", 其實係來自英文的money一詞中的"mon".)

deckson

好好
支持支持
仲有无？？

大_雄

好得意喔。。。支持支持！

粥粉麵飯

古代廣東地區啲人認為鬼係唔吃豆腐o既.
當時有個書生口才非常了得, 樹上雀仔都俾佢氹到落嚟.
有一晚有隻鬼嚟咗佢屋企, 仲想吃咗哩個書生, 但係哩個書生一啲都唔驚仲對隻餓鬼講:
"我幾日未沖過涼, 嗰身冤崩爛臭, 一啲都唔好吃, 不如你將就下吃咗枱上面嗰煲豆腐佢吖!? 好吃過我好多!"
點知隻鬼又鬼死咁蠢, 真係走埋去吃咗嗰煲豆腐, 仲猛咁話好吃o添..........
聽朝嗰書生就將件事加鹽加醋咁同啲村民講起, 話自己有幾叻幾勁.
咁班村民就話: "咁都信你!? 你呃鬼吃豆腐咩!?"

咁你又信唔信我啊!???